ABDII GAMMACHUU,GURAANDHALA 2014.
Feb 14 at 7:23pm
Anatu ana mitii
na dhiisi yaa mixii
mee na hin ciiniinin
du’aa miti ani
Huma na dhukkubaa
bari quba qabaa
Obsa wayyaaf malee
iyyuu yoom wallaalee
callisuunkoo ilaalee
dhukkubbii garmalee
ilkeen qaraa hintollee
du’aa na seeteetii?
Anatu ana mitii
Qoqoree na fixee
keessoo lafee lixee
dhiiga kiyyaa xuuxee
hidda morgaa kutee
Wanti akka murxuxee
kan alangaan qixxee
randakoo rukutee
sochii na dhorkatee
ati du’aa seetee
miillaraan na kortee
jilbaan ol na baatee
garaa irra dabartee
sanyiikee waamatte
kora natti baatee
laphee qaxxaamurtee
mormako naannoftee
kan na hudhuuf turte
callisuukoo agartee
ijatti ol na baatee
qararoonkoo dhokate
golga uumama uffate
Maaf hangana aarte?
gubbeerra nabaate
na quucarsuu feete?
Dhiisi malee goondaa
si rakkisaa booda
Guyyaan ana ta’e
bayyaannadhee ka’e
lolaafan si godhaa
kan si haree deemu
namuu siif hindhimu!!