Finfinneen magaalaa guddittii Oromiyaa ti. Magaalaan seena qabeettii kun magaalaa guddoo garboomfattootaa taatee tajaajilaa jirti. Kana malees yeroo ammaa kana magaalaan kun magaalaa guddittii fi handhuura teessoo Gamtaa Afrikaa kan dhaabbileefi eembaasiwwan biyyoolessaa keessatti argamaniidha.
Magaalaan kun garuu, waggoota 100 dura magaalaa xiqqoo akka turte seenaa kaleesaa ni mul’isa. Finifinneen handhuura Oromiyaa waan taateef maqaan ganamaa eenyummaa Oromoo waliin hidhata guddaa qaba. Magaalaan kun bara garbummaan dura maqaa gandoonni magaalittii ittiin waamamaa turte qabdi ture. Haa ta’u malee, maqaawwan gandoota kanneenii dhiibbaa fi loogii srinaatiin jijiiramuu dandaéera. Garuu, maqaan kaleessaa sun amam ilee seenaa keessaa akka armaan gadiitti yaadatama.
- Mana Abbichuu – (kan yeroo ammaa Faransaay Lagaasiyoon jedhamuun beekkamu
- Dildila, Tulluu Xiixaa – ( kan yeroo ammaa Inxooxoo jedhamuun beekkamu)
- Madaaroo- -( kan yeroo ammaa Ayyar Xeenaa jedhamuun beekamu)
- Araadaa- Piyaassaa Harbuu – (kan yeroo ammaa Kaazaanchis jedhamuun beekamu)
- Tulluu Daalattii- (kan yeroo ammaa Araat Kiiloo jedhamuun beekamu)
- Hora Finfinnee- (kan yeroo ammaa Fliwuhaa jedhamuun beekamu)
- Caffee Tumaa- (kan yeroo ammaa Siddisti Kiiloo jedhamuun beekamu)
- Laaftoo Tumtuu-(kan yeroo ammaa Nifaas Silki jedhamuun beekkamu)
- Tulluu Fihee- (kan yeroo ammaa Shagolee jedhamuun beekamu)
- Kara’aloo- (kan yeroo ammaa Hayilee Mangad jedhamuun beekamu)
- Karaa Miixxee-(kan yeroo ammaa Gojjaa Mangad jedhamuun beekamu)
- Karaa Akaakoo-Daandii Bishooftuu Sokorruu- (kan yeroo ammaa Markaatoo, Massaalamiyaa jedhamuun beekamu)
- Malkaa Oboshee- (kan yeroo ammaa Baambiis jedhamuun beekamu)
- Jamoo-Qaraaniyoo Birbirsa-Araadaa Giyoorgis jedhamuun beekamu)
- Dhummuugaa-(kan yeroo ammaa Ginfillee jedhamuun beekamu)
- Dhakaa Araaraa-( kan yeroo ammaa Fiitbarj edhamuun beekamu)
- Muujjaa- -( kan yeroo ammaa Shiiroo Meedaa jedhamuun beekamu)
- Waayyuu- -( kan yeroo ammaa Qacanee jedhamuun beekamu)
- Dhakaa Booraa- ( kan yeroo ammaa 22 Maazooriyaa jedhamuun beekamu)
- Golboo-Goofaa Safar jedhamuun beekamu)
- Jaajjaa- ( kan yeroo ammaa Biheera Tsiggee jedhamuun beekamu)
- Hurufa Boombii-Jaanmeedaa jedhamuun beekamu)
- Qaalee-Askoo Didiimtuu-( kan yeroo ammaa Shagolee Meedaa jedhamuun beekamu)
- Harbuu Irreechaa- ( kan yeroo ammaa Raas Hayluu Safar jedhamuun beekamu)
- Sulula Garbii- ( kan yeroo ammaa Taklahayimaanot jedhamuun beekamu)
- Boroo Kormaa-( kan yeroo ammaa Gollaa Mikaa’el jedhamuun beekamu)
- Qabbanaa’aa- ( kan yeroo ammaa Qabbannaa jedhamuun beekamu)
Maddi: Kitaaba Yawugganaa Dirsatoochinnaa Yataariik Iwunatooch
oromedia.wordpress.com 