FOR BETTER OROMIA

Waldiddaa

Nuti agaboomnee,
Isin quqquufoo dha;
Nuti dadachaanee,
Isin diddiriirroo;
Waamuu, wal hintaanu!
 
Nuti xuxxuroofnee,
Isin qulqulluu dha;
Nuti ukkaamamnee,
Isin babbanoo dha;
Waawuu, wal hin taanu!
 
Nuti alabuloo dha,
Isin manaalessa;
Nuti lolaa dhiibna,
Isin doonii ciisaa;
Waamuu, wal hin taanu!
 
Nuti callisoo dha,
Isin dubbattoota;
Nuti miidhamoo dha,
Isin himattoota;
Waamuu, wal hin taanu!
 
Nuti fudhattoota,
Isin filattoota;
Nuti harka duwwaa,
Isin qaqawwee dha;
Nuti obsa baanna,
Isin hidhaan deemtu;
Waawuu, wal hin taanu!
 
Nuti akka bishaanii,
Isin akka dhakaa;
Bishaan keenya cophee,
Dhakaa keessan daakee;
Biyyootti isin maka!
 
Dhaabasaa Waaqjiraa
26.08. 2015
Advertisements
%d bloggers like this: